2022/08/17 at 4:42 PM
Banner Top
បុរសប្រមឹកម្នាក់ ហូបខ្ចៅ និង​គ្រាប់​លោហៈ១​គីឡូក្រាម ក្រោយស្រវឹងលែងដឹងអី

ពេទ្យ​វះ​មានការ​ភ្ញាក់ផ្អើល​យ៉ាង​ខ្លាំង បន្ទាប់​ពី​បាន​រក​ឃើញ​ដែកគោល ខ្ចៅ និង​គ្រាប់​លោហៈ​ជា​ច្រើន​ទៀត ទម្ងន់​មួយ​គីឡូក្រាម​ក្នុង​ពោះ​បុរស​ម្នាក់ ។ លោហៈ​ខ្លះ​មាន​ប្រវែង​រហូត​ដល់​១០​សង់ទីម៉ែត្រ ។

បើ​តាម​ការ​បញ្ជាក់​ពី​វេជ្ជបណ្ឌិត អ្នកជំងឺ​ក្នុង​ប្រទេស​លី​ទុ​យ​អា​នី (Lithuania) នោះ​បាន​លេប​លោហៈ​អស់​រយៈពេល​១​ខែ​មក​ហើយ បន្ទាប់​ពី​គាត់​ផ្តាច់​ទម្លាប់​ផឹកស្រា ។

បុរស​ដែល​មិន​ត្រូវ​បាន​គេ​បញ្ចេញ​ឈ្មោះ​រូប​នេះ ត្រូវ​បាន​គេ​បញ្ជូន​ទៅ​កាន់​មន្ទីរពេទ្យ​សកល​វិទ្យាល័យ Klaipeda ដោយសារ​មានការ​ឈឺពោះ​ធ្ងន់ធ្ងរ ។

ការ​ឆ្លុះ​កាំរស្មីអ៊ិច​បាន​បង្ហាញ​ថា ក្នុង​ពោះ​របស់​គាត់​មាន​ដែកគោល ប្រឡុង វី​ស និង​គ្រាប់​លោហៈ​ផ្សេង​ៗ​ទៀត ។
វេជ្ជបណ្ឌិត​ផ្នែក​វះកាត់​ឈ្មោះ Sarunas Dailidenas ដែល​ទទួលខុសត្រូវ​លើ​ការ​វះកាត់ ៣​ម៉ោង ដើម្បី​ជួយ​បុរស​ស៊ី​ដែក​រូប​នេះ​បាន​ចាត់​ទុក​ថា វា​ជា​ករណី​ប្លែក​បំផុត ។

ក្រោយ​ពេល​វះកាត់​រួច គាត់​ស្ថិត​ក្នុង​ស្ថានភាព​នឹងន និង​កំពុង​ត្រូវ​តាមដាន​នៅ​ពេទ្យ​សកល​វិទ្យាល័យ Klaipeda ៕

Banner Content

Related Article

0 Comments

Leave a Reply