ឆ្នាំម្សាញ់ រាសីឡើងខ្ពស់ត្រដែតមានតែភាពស្រស់ស្រាយនិងស្នាមញញឹមជានិច្ច ។ លេខដុល្លារ៣៦៩នៅរង្វង់ប្រាំថ្ងៃដើមខែកញ្ញា លោកអ្នកមានលាភ មានសំណាងធំ ធ្វើកិច្ចការអ្វីក៏ទទួលបានជោគជ័យ បើជាអ្នកប្រកបរបររកស៊ីជួញដូរវិញទោះចេញធ្វើជំនួញទីជិតទីឆ្ងាយមានការលូតលាស់ទៅមុខជានិច្ច ឯផលកម្រៃទៀតសោតក៏ចូលមកយ៉ាងក្រាស់ក្រៃ លុយខាប់ដូចទឹកគ្រឿង ។ ការធ្វើដំណើរទៅទីជិតឆ្ងាយជួបតែសុខក្សេមក្សាន្តទាំងពេលទៅនិងត្រឡប់មកវិញ។ ឯសម្ព័ន្ធភាពស្នេហាប្រុសស្រីមានតែការយល់ចិត្តគ្នាល្អណាស់ ។
ឆ្នាំខាល ជាអ្នកមានលាភធំចាំងចូលក្នុងជីវិតមានហុងស៊ុយល្អង៉ូវហេងឡើងខ្លាំងសម្បូរលុយចាយនិងមានលាភធំដទៃទៀតចូលមកជុំទិស ។ តាមជើងលេខបានកំណត់ថា នៅរង្វង់៥ថ្ងៃដើមខែនេះប្រុសស្រីកើតឆ្នាំខាលមានលាភមានជ័យលុយធំចូលមកហៀរដៃ ពេញៗកាបូប ប៉ងអ្វីបានសម្រេចដូចបំណង ។
ឆ្នាំវក លាភចូលពេញៗ លុយចូលឈឹបៗនៅក្នុងរង្វង់៥ថ្ងៃដើមខែនេះ ។ ឆ្នាំវក នាមជាស្តេចស្វា ធាតុមាស មានទ្រព្យនិងមានបញ្ញាច្រើន រាសីខ្ពស់ត្រដែត ពណ៌សំណាង ផ្ទៃមេឃ សំណាងក្នុងរឿងការងារ និងការរកទទួលទាន កិច្ចការទាំងឡាយរីកចម្រើនទៅមុខដោយរលូន សំណាងក្នុងរឿងប្រាក់កាសហូរចូលដូចទឹក សំណាងក្នុងរឿងស្នេហា គូស្វាមីភរិយាមានភាពល្អូកល្អិន និងយល់ចិត្តគ្នាកាន់តែខ្លាំង ។
ឆ្នាំមមែ រាល់ការងាររកទទួលទានប្រចាំថ្ងៃទទួលបានលាភផល លាភលុយហូរចូលយ៉ាងក្រាស់ក្រៃកើនឡើងជាប់មិនដាច់ក្នុងរង្វង់ប្រាំថ្ងៃដើមខែកញ្ញានេះ ។ សម្រាប់ការរកស៊ីជួញដូរវិញ មានការទិញចូល លក់ចេញចំណេញលើសលប់ ហើយជាពិសេសនោះបើមានការបើកមុខរបរថ្មីផង គឺពិតជាល្អប្រពៃណាស់ ។ ការធ្វើដំណើរទៅទីជិតឆ្ងាយជួបតែសេចក្តីសុខ ក្សេមក្សាន្ត ។ រីឯសម្ព័ន្ធភាពស្នេហាមានតែរឿងល្អៗ និងមានសុភមង្គលប្រពៃថ្លៃថ្លាណាស់ ។
ឆ្នាំកុរ ជាអ្នកនាំសំណាងដល់គ្រួសារទាំងមូល នាំលាភចូលពេញៗ លុយចូលឈឹបៗនៅរង្វង់៥ថ្ងៃដើមខែថ្មីនេះ ជាអ្នកចិត្តបុណ្យសម្បូរទ្រព្យសម្បត្តិ មានឋានៈបុណ្យស័ក្តិខ្ពង់ខ្ពស់រស់ដោយសិរីមង្គល ។ អ្នកកើតឆ្នាំនេះមានសំណាងបីតាមជាប់ប្រាណជានិច្ចគឺ ១-សំណាងក្នុងរឿងការងារ កិច្ចការទាំងឡាយរីកចម្រើនទៅមុខដោយរលូន ២-សំណាងក្នុងរឿងមាសប្រាក់ហូរចូលពេញៗ និង៣-សំណាងក្នុងរឿងស្នេហា គូស្នេហ៍មានតែការយល់ចិត្តគ្នាកាន់តែខ្លាំង ៕
