ភ្នំពេញ៖ ក្រឡេកឃើញថា បច្ចុប្បន្ននេះ មានកម្មវិធីប្រកួតសម្រស់ជាច្រើនលំដាប់ថ្នាក់ពិភពលោក ដែលមានបេក្ខភាពតំណាងប្រទេសនីមួយៗចូលរួមប្រកួត បង្ហាញពីភាពស្រស់ស្អាត ចំណេះដឹង ព្រមទាំងវប្បធម៌របស់ទេសជាតិខ្លួន នៅលើឆាកអន្តរជាតិ។ 

ដោយឡែក នៅក្នុងប្រទេសកម្ពុជាសព្វថ្ងៃនេះ វិស័យមួយនេះ ក៏កំពុងតែរីកដុះដាល ខណៈដែលមានកម្មវិធីប្រកួតជាច្រើន សម្រាប់បើកឱកាសឲ្យបេក្ខភាពអ្នកចូលរួមប្រកួត បានបង្ហាញពីចំណេះដឹង និងភាពស្រស់ស្អាតរបស់ខ្លួន ជាពិសេស មហាជនជាច្រើនក៏មានគាំទ្រ ព្រមទាំងទទួលស្គាល់ និងសរសើរពីសមត្ថភាពរបស់បេក្ខភាព ថែមទៀតផង។

យ៉ាងណាមិញ ងាកមកមើលពីទិដ្ឋភាព​នៃការប្រកួតសម្រស់នៅក្នុងប្រទេសកម្ពុជា កាលពីជាង ២០ ឆ្នាំមុន នៅក្នុងឆ្នាំ ១៩៩៥ ដែលមានការចូលរួមប្រកួតពីបេក្ខភាពជាច្រើនរូប ប្រកបដោយសមត្ថភាព និងរូបសម្បត្តិស្រស់សោភា បើទោះបីជាការតុបតែងខ្លួន សម្លៀកបំពាក់ ហាក់មានភាពខុសប្លែកពីបច្ចុប្បន្ននេះក៏ពិតមែន តែក៏មើលទៅគួរស្ញប់ស្ញែង និងមានភាពសាកសមជាបវរកញ្ញាដ៏ឆ្នើមប្រចាំប្រទេស៕ 

ប្រភព៖ Support Beauty Pageant