ភ្នំពេញ៖ ផេង មានជំងឺដ៏កាចសាហាវមួយដែលគ្រប់គ្នាឃើញហើយខ្លាចរអា ព្រោះគាត់មានក្បាលមួយចំហៀងមានសភាពកំពិតចូលក្នុង។សូមបញ្ជាក់ដែលថា កត្តាដែលធ្វើឲ្យគាត់មានក្បាលកំពិតចូលក្នុងមួយចំហៀងបែបបនេះ ដោយសារតែគាត់បានជួបគ្រោះថ្នាក់ចរាចរណ៍ ហើយប៉ះពាល់នឹងលលាដ៏ក្បាលធ្ងន់ធ្ងរ តម្រូវឲ្យកាត់ចេញ តែគ្រួសារគាត់គ្មានលទ្ធភាព។
ព្រោះតែមានជីវភាពខ្វះខាត គ្មានទីពឹង ដូចច្នេះហើយ ផេង គ្មានលិទ្ធភាពសម្រាប់ការដាក់លលាដ៏ក្បាលថ្មីមួយចំហៀងទៀតនោះទេ តែសំណាងល្អបានម្ចាស់ប្រេនសម្រស់ធម្មជាតិ ហើយអ្នកស្រីក៏ធ្វើការជួយឧបត្ថម្ភ នូវការព្យាបាលដាក់លលាដ៏ក្បាលថ្មីជូនទៅកាន់ ផេង។
យ៉ាងណាមិញ កាលពីពេលថ្មីៗនេះ បើយោងតាមគណនីហ្វេសប៊ុករបស់ ផេង បានសរសេររៀបរាប់ថា ខ្លួនបានជាសះស្បើយពីជំដីដ៏កាចសាហាវនោះហើយ ចំពោះផ្នែកធ្លាប់ផតនោះ ស្រាប់តែត្រលប់មកពេញស្អាតដូចដើមវិញហើយ៕
អត្ថបទ៖ រ៉ន សុផាន់ណា
