2022/08/17 at 2:55 PM
Banner Top
ផ្ទុះការតវ៉ាពេញហ្វេសប៊ុក ក្រោយ Netflix ​ធ្វើ Poster រឿង Nakee 2 ថៃដាក់រូបប្រាសាទអង្គររបស់ខ្មែរ

បរទេស៖ សម្រាប់ប្រិយមិត្តដែលចូលចិត្តតាមដានទស្សនាខ្សែភាពយន្តភាគនិងដុំរបស់ថៃ ប្រាកដណាស់ពិតជាធ្លាប់ទស្សនារឿង នាគី ទាំងវគ្គ ១ និងវគ្គ ២ ប្រាកដជាបានឃើញប្លង់ជាច្រើនថតនៅប្រាសាទបុរាណមួយដែលជាសំណង់ស្ថាបត្យកម្មរបស់ខ្មែរ ដែលបច្ចុប្បន្ននេះស្ថិតក្នុងខេត្ត បុរីរ៉ាម ទឹកដីប្រទេសថៃបច្ចុប្បន្ននេះ ។

កាលពីពេលថ្មីៗនេះផងដែលគឺនៅយប់ថ្ងៃទី ៣០ មករា ២០២១ នេះមានការភ្ញាក់ផ្អើលមួយបានកើតឡើងបន្ទាប់ពីមហាជនបានឃើញផ្ទាំង Poster រឿងនាគី ២ ដែលដាក់ឱ្យទស្សនានៅលើ Netflix បែរជាដាក់រូបប្រាសាទអង្គរវត្តទៅវិញ ដែលនាំឱ្យមហាជនខ្មែរផ្ទុះប្រតិកម្មជាខ្លាំង ។ មួយវិញទៀត Netflix នោះគឺសម្រាប់ដាក់ឱ្យទស្សនាតែនៅក្នុងប្រទេសថៃប៉ុណ្ណោះ ។

បើយោងតាមការចុះផ្សាយតាមទំព័រហ្វេសប៊ុក ពោតផ្ទុះ-Popcornkh បានបញ្ជាក់ការបកស្រាយមួយថា បន្ទាប់ពីការផ្សព្វផ្សាយរបស់ រួចមក នាំឱ្យទទួលបានប្រតិកម្មជាច្រើនពីសំណាក់អ្នកគាំទ្រ ទាមទារឲ្យមានការបកស្រាយពីខាងផលិតកម្មភាពយន្ដនៅប្រទេសថៃ។

ហើយសម្រាប់ការបកស្រាយពី ខាងក្រុមហ៊ុននាំចូលភាពយន្ដនៅកម្ពុជា ថាកំហុសនេះ គឺជាកំហុសរបស់ក្រុមហ៊ុន Netflix ដោយផ្ទាល់ ដែលបានធ្វើ Poster ខុសដាក់រូបប្រាសាទអង្គរវត្ត ច្រលំថាជា ប្រាសាទភ្នំរូង។

ជាលទ្ធផល ខាង ក្រុមហ៊ុន Netflix បានធ្វើការកែសម្រួលដោយផ្លាស់ប្ដូរ និងលុបរូប Poster ខុស នោះចេញហើយ។ កំហុស Poster នេះ គឺជាការទទួលខុសត្រូវរបស់ក្រុមហ៊ុន Netflix ទាំងស្រុង ដោយពុំមានទាក់ទងនឹងផលិតកម្មថៃនោះទេ ព្រោះថារាល់ការទិញសិទ្ធិចាក់ផ្សាយ Netflix តែងតែធ្វើ Poster បន្ថែមដោយខ្លួនឯងផ្ទាល់ ដើម្បីដាក់ប្រូម៉ូតរឿងនីមួយៗនោះ ៕

អត្ថបទ​៖ មន្នី រចនា ប្រភព៖ ហ្វេសប៊ុក

Banner Content

Related Article

0 Comments

Leave a Reply