សុខភាព៖ ជាធម្មតា វដ្ដរដូវរបស់មនុស្សស្រីនីមួយៗកើតឡើងរៀងរាល់ ២៨ថ្ងៃម្តង ហើយវាអាចមានរយៈពេលចន្លោះពេលពី ៥ ទៅ​ ៧ថ្ងៃ។

អ្នកដឹងទេ តើមូលហេតុចម្បងអ្វីដែលធ្វើឲ្យស្ត្រីមករដូវមិនទៀងនោះ?ខាងក្រោមនេះជាមូលហេតុធំៗ៥ដែលអ្នកមិនគួរមើលរំលង។

៥. របបអាហារ

បើសិនអ្នក មិនសូវបានញ៉ាំអាហារដែលមានជីវជាតិ ទាំងសាច់ បន្លែ ផ្លែឈើគ្រប់គ្រាន់ តែបែរជាញ៉ាំអាហារដែល​មាន​ជាតិខ្លាញ់ ម្ហូបបំពង ទៅវិញនោះ វាអាចបង្កការរំខានដល់ការមករដូវដែរ។

៤. វ័យ

ជាទូទៅការមករដូវ ២ឆ្នាំដំបូង របស់ មនុស្សស្រីជាច្រើនអាចនឹងមានការមករដូវលើសកាលកំណត់ ច្រើនៗ និង ២ឆ្នាំ​ចុងក្រោយ នៃការមករដូវក៏អាចកើតមានបញ្ហារាំងរដូវ ឬតិចជ្រុលផងដែរ។

៣. ប្រតិកម្មថ្នាំ 

បើលោកអ្នកលេបថ្នាំសម្រកទម្ងន់ ថ្នាំពន្យារកំណើត ឬប្រើប្រាស់ឧបករណ៍ពន្យារកំណើតណាមួយ អាចធ្វើឲ្យ​បង្អាក់​ភាព​សកម្មនៃវដ្ដរដូវដែលពេលខ្លះអាចមានរដូវតិច និងខែខ្លះមិនមានតែម្តង។ 

២. បញ្ហាស្ត្រេស 

នៅពេលដែលអ្នកមានភាពតានតឹងក្នុងអារម្មណ៍ គិតច្រើន អាចឲ្យអ្នកគេងមិនលក់ វាអាចប៉ះពាល់ដល់អ័រម៉ូន និងមិនអាច​មករដូវដូចពេលធម្មតា។

១. ការហាត់ប្រាណជ្រុល

បើសិនលោកអ្នកធ្វើសកម្មភាពជ្រុល ដែលបានធ្វើឲ្យអ្នកចំណាយកម្លាំង លើសពីអ្វីដែលអ្នកមាន អាចបង្កឲ្យអ្នកអស់​កម្លាំង​ល្ហិតល្ហៃ អ័រម៉ូនប្រែប្រួលផងដែរ៕

អត្ថបទដោយ៖ រ៉ន សុផាន់ណា